أبوعلي السعدي مؤسس الموقع صاحب الموقع المدير العام
الدولة : [img][/img] عدد المساهمات : 1098 تاريخ التسجيل : 16/06/2011
| موضوع: من قصائد ابو علي محمد السعدي (( قصيدة آنه ابنك ياعراق )) الخميس سبتمبر 29, 2011 9:44 pm | |
| قصيدة آنه ابنك ياعراق
| ابو علي السعدي
| العين تجري دمع ... والقلب ينزف دم
| عالما وفو للوطن ... وعا إلي ابد ما مهتم
| ويمته يجينه الفرح... والشمل بيه يلتم
| وصار الوطن للغرب ... وابن البلد معدم
| كافي شتات وهجر ... وكافي عذاب وهم
| وشيحمل ابن الوطن ... حسرة ومرارة وغم
| مو شبع من الظلم ... وعاش بوكت اظلم
| خلونه من الحقد .... خلونه نتلملم
| كافي تفجير وذبح ... والشعب متألم
| ابن العراق الوفي ... بالشدة متحزم
| كيفنه راح الحزن ... وراح الصنم الاعظم
| آنه ابنك ياعراق ... وهذي تربة كل هلي
| بيها سته من الأئمة ... ذوله اولاد النبي
| صرح عالي ويه السمه ... هذي كبتك ياعلي
| وبيها دم حسين طاح ... وبيها سبع العلقمي
| وبيها موسى والجواد ... يمهم الهم ينجلي
| ولو ردت تطلب امراد ... تعتني للهادي وابنه العسكري
| آنه ابنك ياعراق وما أسلمك ... للنكر دجلة وفرات
| وما اسلمك ابد للخان كاعك ... وخلة تاريخك شتات
| يبقى اسمك وسط قلبي ... وتبقى عالي رغم كل النايبات
| وتبقى انته صرح شامخ ... وتصبح اعداءك رفات
| والما يحب اتراب كاعك ... وحك رب السمة ما يضوك الطيبات
| حسين ما دنك الهامه وصال بالميدان وحده ... صاح هيهات على الذلة نبات
| منين اجيب الجفل زينب ... الوكف وية حسين بوكت النا يبات
| وبالوفة ماكو مثيلة ... علم الوادم على الصبر وثبات
| منين اجيب حسين ابو اليمة واخبرة ... با لاطباع الغيرت حتى الصفات
| والله من يشم اتراب كاعك ... حتى ميتنه ترد ليه الحياة
| | |
|
???? زائر
| موضوع: رد: من قصائد ابو علي محمد السعدي (( قصيدة آنه ابنك ياعراق )) الأربعاء ديسمبر 07, 2011 7:49 pm | |
| مجهود رائع وكبير في طرح هذا الموضوع
فكل الشكر والامتنان لك
جزاك الله خيرا
ننتظر جديدك |
|