أبوعلي السعدي مؤسس الموقع صاحب الموقع المدير العام
الدولة : [img][/img] عدد المساهمات : 1098 تاريخ التسجيل : 16/06/2011
| موضوع: بمناسبة ذكرى استشهاد ابي الاحرار الامام الحسين بن علي بن ابي طالب عليهما السلام وتثمينا لهذه الذكرى الاليمة على قلوب المؤمنين اقدم قصيدتي (( تاريخ الرسالة انكتب بدم ابي السجاد )) الأحد نوفمبر 27, 2011 6:49 pm | |
| قصيدة تاريخ الرسالة انكتب بدم أبو السجاد (ع) خادم أهل البيت عليهم السلام ابو علي السعدي شعر لا مو شعر نكتب لبو السجاد ولا نكتب نثر ونطيب جروحة نحط قلوبنا بالقلم نعصرها أبد منوفي الرقاب الدمها مسفوحة آنه ابن الفرات ودجلة الخير وآنه ابن العراق العالية صروحة أخذنا دروس بالاخلاق من المصطفى المختار أبو القاسم الهادي ونعم هالدوحة ومن حيدر تعلمنا الشجاعة والكرم والجود أبو السبطين من عنده المغانم كلها مفلوحة ودروس الشهادة كلها من حسين اسس بالمبادئ صورة موضوحة رجولة وشهامة وغيرة ما تنقاس بموازين الحياة ابد ما تلكاهة ممنوحة بس حسين رسخ هالمعاني بدفتر التاريخ كشف كل طاغي عاش أوهام مفضوحة واحنا بالوفة ما نوصل العباس فدى الإسلام والقرآن بالجفين وبروحه انتخه من سمع صوت حسين ينخاه وغضب من شاف زينب حايرة وبالحزن مقروحة اريد اكتب شعر وتغزل آنه حسين احس طاب القلب بيه والنفس مفتوحة ويا محلة القصيدة البيها ذكر حسين مثل شمس الضحى مشرقة ومصبوحة وحك رب العباد وسيد الكونين القصيدة الماينذكر بيها اسم حسين ابد متصير مملوحة شنهو اللي أوصفك بيه يا سيد شباب الكون والجنة وانتو كل خصايلكم بالقرآن ممدوحة لأن حسين مو قصة شهيد ومعركة خلصت ولا سالوفة ورواية وبعد أيام من الفكر ممسوحة قضية حسين صارت للزمن قرطاس لان تاريخ الرسالة بدم أبو السجاد انكتبت اصفوحة اعتبك يالموالي والعتب مشروع ليش تناصر الشيطان وتمشي دروب مقبوحة وليش مشيت بدروب الخطايا وتنسه دم حسين وتدري حسين لجل الغيرة قدم هالضحايا بروح مسموحة وراد حسين منا ننتهل من منهج القرآن ونعيش بكرامة وعز وللظالم ابد منصير مرجوحة ورادك تخلص النية الإله الكون وتشد العزم منه ونحط الإيد عل الإيد ونهزمة العدونه ونكسر جنوحة وهذا آنه العراقي وابقى عالي الراس ومن حضرة أبوك وحضرتك يحسين تبقى قلوبنا بالنصر مفروحة ***************************** تمت بإذنه تعالى ونسألكم الدعاء ... أبو علي السعدي
[ندعوك للتسجيل في المنتدى أو التعريف بنفسك لمعاينة هذه الصورة]
|
| |
|
???? زائر
| موضوع: رد: بمناسبة ذكرى استشهاد ابي الاحرار الامام الحسين بن علي بن ابي طالب عليهما السلام وتثمينا لهذه الذكرى الاليمة على قلوب المؤمنين اقدم قصيدتي (( تاريخ الرسالة انكتب بدم ابي السجاد )) الخميس ديسمبر 15, 2011 1:59 pm | |
| |
|